Saturday, October 31, 2009

UJAALE UNKI YAADON KE -with SHARDA EPISODE 1 (13/09/2009)

Most important Notice : To Read all these in Hindi/Devnagari script please click on
SH: ShardaYK: Yunus Khan
YK: Ujaale Unki Yaadon Ke. aaj se is kaaryakram mein ham ek shrinkhalaa shuru kar rahe hain jismein ham jaani maani paarshva gaayika Sharda se baatchit karenge. is baatchit mein guzre zamaane ke baDe hi anmol naGmen sunvaaye jaayenge aur aap gaayika Sharda ko kareeb se pehchaan paayenge. to aaiye sunte hain jaani maani paarshvagaayika se aapke is dost Yunus Khan se baatchit ki pehli kaDee. inka naam zahan mein aate hi bahut saare meeThe gaane goonjne lagte hain. to bahut bahut bahut swaagat karte hain Sharda ji ka jo bahut bahut bahut dino baad Vividh Bharati ke 'studios' mein aayeen hain.
SH: hello hello hello, namaste everybody
YK: Sharda ji, aapki yaad aati hai aur zahan mein titliyaan uDne lagti hain. aisa kyon hai?
SH: jee, "titli uDi" 'song' se hi sab ne mujhe yaad rakhaa hai.
YK: uski to ham baat karenge hi, lekin jahaan tak mujhe yaad aata hai takreeban 43-44 saal pehle ka geet hai
SH: jee haan, bilkul sahi hai.
YK: uski to ham baat karenge, lekin pehle bataaiye ki Tamil Nadu ki Sharda ji Mumbai kaise aa gayeen?
SH: jee yeh to samhiye ki ek itteefaaq hai. main pehle se Hindi filmon ke geet gaaya karti thi...
YK: jaise? aapke pasandida kaun se gaane the?
SH: mujhe Noorjehan ke gaane bahut pasand the. 'I used to sing those songs'. ham log Tehran mein rehte the aur Raj saahab wahaan aaye huye the.
YK: kahaan?
SH: Tehran mein. 'I was in Tehran'.YK: achchha?
SH: wahaan pe, 'because there were not many singers', main gaati thi 'parties' mein, to Raj saahab udhar the, 'the party was in his honour', to maine geet gaaya to Raj saahab ko meri aawaaz bahut pasand aayi. unhone mujhe bulaakar kahaa ki aapki aawaaz bahut 'sweet' hai, bahut 'different' hai, 'unique' hai, to 'I told him' ki aap apne 'picture' mein gawaayenge? He said, why not, you come to Bombay. So, I went to Bombay, unke 'studio' mein main gayi, unhone mera 'voice test' kiya, to udhar RK mein sabko pasand aaya, phir RK mein unki poori 'family approve' karti hai. phir Raj saahab ne bola ki aap Shankar Jaikishan se jaakar milo. I went to Shankar Jaikishan's office and Shankar saahab immediately sent music teachers to my house. Then I started getting training.
YK: kya baat hai, yeh to ekdam pariyon ki kahaani jaise hai
SH: jee haan, bilkul, yeh to, you know, nobody planned that I have to become a singer. nahi to kya hota ki pehle 'chorus' mein gaate hain, then they go and see all music directors, aisa kuchh bhi nahin huya, mujhe to, I dont know, but this is like a story.
YK: kya baat hai! Tehran se Mumbai, yeh to Around The World ho gaya (laughs). achchha, aage baDhenge lekin usse pehle "titli uDi" sunenge aur woh bhi aapse 'live'
SH: OK (laughs shyly and sings) "titli uDi uD jo chali.......
Song: titli uDi uD jo chali (Suraj)------------ --------- --------- -----
YK: o ho ho ho... Sharda ji pataa hai aaj main ek baat 'confess' karna chahta hoon. yeh jo gaana hai yeh mere pitaaji ko bhi bahut bahut pasand hai. SH: isko 'generation song' bhi bol sakte hain. isko abhi ke log bhi pasand karte hain. jab bhi main 'programs' mein jaati hoon to log kehte hain ki 'meri bachchi ne is gaane pe 'dance' kiya', kisi ne mujhse poora 'lyrics' mangwaaya ki 'meri bachchi ko chaahiye', so it is going on like this.
YK: waah! kaisa mehsoos hota hai ki ek gaana jiski umra 4-5 dashak ho chuki hai?
SH: Its really surprising because this is a very simple song. iske peechhe na aisa koi 'dance' hai, na koi 'romantic scene' tha, bahut 'simple song' hai, ek ghoDaa gaaDi mein jaa rahi hai raajkumaari aur wo gaa rahi hai. aur is gaane mein kya hai ki woh ab tak logon ko 'attract' kar rahi hai!
YK: shaayad is gaane ki maasoomeeyat hai
SH: bahut hi hai. 'actually' maine is gaane ke liye bahut 'research' kiya aur 'last' kuchh saalon mein mere dimaag mein aaya ki Shailendra ji kuchh na kuchh 'philosophy' rakhte hain har geet mein. aatma ko ham pakshi yaa titli kehte hain. aatma 'wants to go to source', aatma bhagwaan ki taraf jaana chaahti hai, aakaash mein jaana chaahti hai. lekin phool aur patte jo hain maayaa ki tarah usko zameen par kheenchna chaahte hain. lekin titli kehti hai ki mujhe jaana hai apne 'source' mein.
YK: kya baat hai!
SH: to aisa 'philosophical meaning' hai gaane ka jiski wajah se logon ko achchha lag raha hai abhi tak yeh gaana.
YK: do paksh hai is gaane ka, ek paksh hai jo aadhyaatmik hai aur doosara paksh hai jo thoDaa sa 'light' hai. achchha hamein bataaiye is gaane ki 'recording' se juDee koi ghaTanaa, kahaan 'record' huya tha?
SH: yeh Famous mein 'record' huya tha. un dino ekdam 'live recording' huya karti thi. aajkal to 'computer' mein kar lete hain, besuraa bhi hai to sur mein kar lete hain, un dino to bahut mushkil tha. jab bhi main sochti hoon ki Shankar Jaikishan ne mujhe kis tarah se gawaaya tha, 'see, because of their capacity, I was able to sing all those songs, you see'. abhi tak yaad karte hain. saare 'musicians' the.
YK: kitne 'piece' ka 'orchestra' raha hogaa?
SH: 100-150 'musicians', kyonki 'violins' hi kuchh 50-60 hote the.
YK: aur Shankar Jaikishan is baat ke liye jaane jaate hain.S
H: haan, aur 'violin' mein do teen 'part' hote the. ek to 'melody part' bajta tha, ek 'counterpart' , aur ek 'counterpart obligato' aur 'violins' ke saath 'cello, double bass' yeh sab hota tha. phir uske baad 'main section' aur 'rhythm section'. kuchh 15-20 aadmi 'rhythm section' mein baiThte the aur 'rhythm controller' alag hota tha, aur 'music' ke liye alag 'music assistants' the, aur 'singer' ke liye alag. aur 'recording' ke 'time' mein 'singer' ko itni cheezen dhyaan mein rakhni paDti thi. bahut saare log aate the. 'guests' aate the, 'press' aati thi, 'producer, director', kabhi kabhi 'stars' bhi aate the, aur 'song writer'.
YK: is gaane ki 'recording' mein kaun kaun kalakaaar maujood the?
SH: Rajendra Kumar saahab the.
YK: kya baat hai!
SH: aur unke saath 'photo' bhi hai.YK: kya baat hai! to 150 saazinde hain, saamne 'press' hai, Rajendra Kumar hain, Shankar Jaikishan hain, Shailendra ji hainSH: haan, udhar 'director' baiThe huye hain, 'producer' baiThe huye hain, 'distributor' baiThe huye hain, 'financer' baiThe huye hainYK: o hoSH: sabko pasand aani chaahiye
YK: 'stage show' jaisa ho raha hai bilkul! (laughs)
SH: haan, lekin 'stage show' mein aap 'live' gaa rahe hote hain to sab kuchh 'accept' ho jaata hai. idhar 'accept' naheen ho saktaa. idhar to 'sound recordist' aake kahegaa, you know, ki saans aata hai, usko 'control' kar lo, idhar 'music director' aakar kahenge ki sur ka dhyaan rakho, phir 'song writer' kahenge ki yeh 'word' Theek se naheen aa raha hai. is tarah se kitni hi cheezon ka dhyaan rakhna paDtaa tha. phir 'director' aakar kahegaa ki 'expression' naheen aa raha hai, 'dull' aa raha hai, to 'you have to put expressions' .
YK: yeh aapka pehla gaana tha. kitni ghabraahaT thi?
SH: yeah, pataa hi naheen chalaa, Shankar ji Jaikishan ji, dono the to dono ne mujhe aise uThaake aasmaan mein leke gaye. aisa lag raha tha ki main panchhi ki tarah uD rahi hoon.
YK: kya baat hai! kyaa aapko lag raha tha ki yeh gaana kaamyaabi ki itni bulandiyaan paar kar jaayegaa?
SH: No, but Shankar Jaikishan said that this song is going to be a hit. maine kahaa ki aapko kaise pataa chalaa? to bole ki ham logon ne jhak naheen maare hain 'film industry' mein (YK laughs), ham log bol ke gaana 'hit' karwaake dikhaate hain. itna to unke andar 'capacity' thi.
YK: achchha yeh bataaiye ki kya aapne sangeet ki koi baaqaayda taaleem lee thi kyonki aap bataa raheen theen ki aap Tehran mein theen?
SH: haan, wahaan to aise hi mazaak mazaak se gaati thi, Bombay aane ke baad Jagannath Prasad guruji aur Laxman Prasad guruji aur Nirmala ji, jo Govinda ji ki 'mother', jo 'top singer' theen, aise 'top' logon se hamaari 'training' huyi hai aur 'apart from that live recording' mein kaise gaana hai, wo to Shankar Jaikishan ke 'music room' mein maine 'training' liya, kyonki wahaan pe naye naye geet jo 'compose' karte the wo mujhe gaane ke liye kehte the 'so that I become familiar, you know'. sab naye naye geet kaise gaana hai, usko 'expression' kaise dena hai.
YK: to Shankar Jaikishan ka jo 'creative process' hai, kis tarah se wo kaam karte the aur kis tarah se ek poora gaana 'complete' karte the?
SH: iske liye to ek kitaab hi likh sakte the, kyonki mera to 'last' ke kuchh din unke saath uThna baiThna raha aur 'I used to go to the studio 2-3 times a week', jab wo shaam ko 'sitting' karte the, shaam 4 se 8 baje to woh 'floor sitting' karte the aur 'everyday' kuchh na kuchh 'composing' ka kaam chalta tha. Shailendra ji aur Hasrat ji, dono baiThe rehte the, kuchh na kuchh mukhDaa, Shankar ji 'tune' bajaate the, aur woh mukhDaa keh dete the to usko biThaa dete the. is tarah se 'composing' ka kaam chalta tha.
YK: koi ghaTanaa yaa koi gaanaa aapko yaad aa raha hai jo bahut dilchasp tareeke se banaa tha?SH: "yeh munh aur masoor ki daal"
YK: waah!SH: aise hi kisi ne baat karte karte kahaa ki "yeh munh aur masoor ki daal". Shankar saahab ne bolaa ki isko rakho mere liye kisi gaane mein (YK laughs). aur 'immediately' woh gaana aise ban gaya.
YK: aur bahut mashahoor huya hai yeh gaana. aap gungunaayengi hamaare liye yeh gaana?
SH: (sings) "yeh munh aur masoor ki daal, waah re waah mere baanke laal".------------
Song: yeh munh aur masoor ki daal (Around The World)------------ --------- --------- --------- YK: aaj jab aap apne gaane sunti hain to kaisa mehsoos hota hai?
SH: 'well', bahut se gaane to mujhe 'impress' hi naheen karte hain, kabhi kabhi kuchh kuchh gaane achchhe bhi lagte hain.
YK: achchha aapka sabse zyaada pasandida gaana kaun sa hai aapki nazar mein aapka Khud ka?SH: Khud ka, I think, "chale jaanaa zaraa Thehro"
YK: kya baat hai!
SH: because this is a unique song, is tarah kaa gaana phir naheen banaa hai.
YK: is gaane ki 'recording' se bhi juDee koi baat?
SH: yeh bhi mera teesra yaa chauthaa gaana tha, Mukesh ji ke saath 'second duet', kyonki "duniya ki sair kar lo" ho chukaa tha. Mukesh saahab aake mazaak kar rahe hain 'to make the atmosphere lively'. sab se mazaak karenge, 'main to besuraa hoon' aisa bolte hain kabhi kabhi (both YK & SH laughs). aur Mukesh ji ke saath jo doosra 'duet' hai "woh pari kahaan se laayoon", usmein aisa tha ki teen 'microphones' the, kaafi saari laDkiyaan theen aur main, Suman ji aur Mukesh ji. woh andar aaye to bhaagne lage ki itni saari laDkiyon ke beech mein main naheen gaa saktaa (YK laughs).
YK: waah waah, bahut achchha! yeh waala gaanaa aap gungunaayengi?
SH: (sings) "woh pari kahaan se laayoon, teri dulhan jise banaayun".
Song: woh pari kahaan se laayoon (Pehchaan)------------ ---------
--------- --------- ----END OF EPISODE-1----------- --------------

No comments:

Post a Comment